dr Buur Li Wang

1)

E Horde wiudi Rösser faut y ids Land
Vertramplet d’Riisfäuder vom Buur Li Wang
es chöme au cho ds springe, säge bisch e arme Ma
Wiso tuet dir ds Schicksal es settigs Unglück a

2)

U wo’s em Li isch glunge di Herde y ds faa
hei aui gschwind iri Büetz la staa
chly nidisch hei si gstuunet mit Ooh und Aah
ja, es settigs Glück, das muess me haut ha

REF

Dr Li seit nüt – blybt stiu – lost zue
U nächhär seit är zmitzt id Rue
Mir wärde’s gsee
was wird gschee
s’het wyss im schwarz
s’het schwarz im wyss
mir wärde’s gsee

3)

Em Li sy Suun bestigt es Ross vou Füür
bricht sech aui Chnoche, bezaut si Muet tüür
u widr isch dr Li e arme Ma
mit so eim muess me erbarme ha

4)

E Chrieg bricht us, aui Manne müesse ga
Em Li si Suun blybt aus einzige da
u widr säge aui dr Li dä sött me sy
was vorhär isch gsy, vergässe u verby

5)

U we mi Wäg mi dür dunkli Täler füert
de füel ig mi vom Li berüert
Was weiss ig, was hinger em nächschte Bärg ligt
Villech no me Truur, aber villech ou ds Glück

U so gani id Stiui – blybe ruehig – lose zue
u plötzlech seit es Stimm us dere Rue
Mir wärde’s gsee
was wird gschee
s’het wyss im schwarz
’het schwarz im wyss

Ying – Yang